Njia 8 za kufanya ngozi yako iwe nzuri na ya kuvutia!

watu wengi husumbuliwa na tatizo la ngozi zao kuzeeka haraka, kukosa mvuto na kupoteza mvuto wake wa asili, wengi husumbuliwa na mapele, chunusi, ngozi kukauka, madoa na mashimo kwenye ngozi, na hii husababisha wengine kutumia gharama kubwa kununua vipodozi kwa ajili ya kutibu ngozi zao. leo nitawaletea dondoo chache tu za kufanya  na kutunza ngozi yako ili iendelee kuwa na mvuto.

1.Tumia vipodozi vinavyoendana na ngozi yako

watu wengi huharibu ngozi yao wenyewe bila kujua kutokana na kutumia vipodozi visivyoendana na ngozi zao, utakuta mtu ana ngozi yenye mafuta lakini anatumia vipodozi vya watu wenye ngozi kavu, au mtu mwenye ngozi kavu anatumia vipodozi vya mtu mwenye ngozi ya mafuta, hapo lazima ngozi yake itaharibika.

2.usilale na makeup usoni

unapokuwa umetoka nyumbani na kurudi usiku usilale na makeup usoni, hata mchana unapoamua kulala usilale na makeup, unapolala mwili huitaji kupumzika na ngozi huitaji kupumua, makeup huziba matundu ya ngozi hivyo kuzui ngozi kupumua vizuri na matokeo yake husababisha ngozi kuchoka, kuzeeka haraka na wakati mwingine kupata mapele au machunusi, hivyo kabla hujalala hakikisha umeondoa makeup zote kwa kutumia makeup remover. 

3. safisha uso kabla ya kulala

kama hautaoga usiku au kabla ya kulala basi hakikisha umesafisha uso wako kwa maji safi na sabuni kabla ya kulala hata kama haukupaka vipodozi usoni, ngozi ya uso ni ngozi ambayo hukumbana na changamoto nyingi, hivyo ni vema ukahakikisha umesafisha ngozi ya uso kabla ya kulala ili kuipa ngozi nafasi ya kupumua vizuri

4.kunywa maji mengi

Ili kufanya ngozi yako iwe na mvuto kunywa maji mengi, angalau lita moja na nusu kwa siku, maji pamoja na kusafisha mwili huongeza unyevu kwenye ngozi, kinga na kuondoa sumu kwenye ngozi

5.usitumie vipodozi venye kemikali mbaya

usitumia vipodozi vyenye kemikali kali zisizofaa kutumiwa na binadamu, kemikali kama mercury au hydrochloric asidi ni hatari sana kwa afya ya ngozi na mwili wako kwa ujumla. kemikali hizi ambazo ukianza kutumia hukufanya uonekane mweupe na mwenye ngozi ya kuvutia baada ya mda hubadilika na kuharibu ngozi yako pamoja na kukuletea matatizo ya kiafya

6.kula chakula bora

kula vyakula bora venye vitamini na proteni, kama matunda mboga za majani na vyakula vevye proten kama samaki, mayai, maharage na kuku.

7.jikinge na jua

unapokuwa juani funika ngozi yako kwa mwamvuli au  nguo, pia uanaweza kujipaka mafuta maalum kwa ajili ya kujikinga na jua. miale ya jua huunguza ngozi, huondoa mafuta ya kwenye ngozi, hufanya ngozi kuwa nyeusi na huweza kusababisha kansa. jua baya kwa ngozi ni lile la mchana, jua linalofaa kwa ngozi ni lile la asubui na jioni

8.paka mafuta na vipodozi vinavyoendana na hali ya hewa

hali ya hewa hubadilika, kuna majira ya kiangazi ambayo hukausha ngozi, kipupwe ambapo huwa na baridi na upepo na majira ya joto na mvua ambayo huwa na unyevu mwingi, hali ya hewa husabaisha ngozi nayo kubadilika. hivyo ila kuafanya ngozi yako isiathiriwe na hali ya hewa unatakiwa kubadilisha vipodozi kuendana na hali ya hewa